Það kannast flestir við að vera andvaka. Að horfa upp í loft, bylta sér, hlusta á klukkuna tifa þangað til hún er orðin rúmlega 4 vitandi að það stefnir í þreyttan vinnudag að morgni.
Þetta er ömurlegur vítahringur. Því meira sem maður hefur áhyggjur af því að ná ekki nægjanlegum svefni, því meira aukast líkurnar á eirðarleisi í rúminu. Breski næringafræðingurinn Charlotte Watts, deilir áhugaverðum ráðum á heimasíðu sinni gegn andvökunóttum:
-Ekki fara á fætur
Leyfðu líkamanum að flæða aftur í svefn og forðastu að örva hann frekar. Ef þú virkilega þarft að fara á fætur, notaðu þá eins lítið ljós og þú getur.
-Snúðu við vekjaraklukkunni
Þetta er svona sálrænt trikk á sjálfa(nn) þig. Ef þú hefur ekki hugmynd um hvað klukkan er þá þarftu ekkert að hafa áhyggjur af svefntíma sem þú ert mögulega að missa af.
-Njóttu hvíldarinnar
Njóttu þeirrar staðreyndar að þér líður vel og þú færð líkamlega hvíld. Það örvar bara heilann meira að þurfa að hugsa um klukkan hvað þú þarft að vakna.
-Minntu þig á að þú ert örugg(ur)
Slepptu tökunum á áhyggjum og kvíða og iðkaðu hugleiðslu, til dæmis núvitund („mindfulness“). Vertu ekkert að spá í það sem er að bögga þig þessa stund. Þú ert örugg(-ur) í hlýju rúmi og þessar áhyggjur eru út af einhverju sem þú getur ekkert gert við akkúrat núna.
-Fantaseraðu
Leyfðu hægra heilahvelinu að taka völdin og gefðu ímyndunaraflinu lausan taum.
-Prófaðu að hlusta á hljóðbók
Það gæti dregið úr kvíða og spennu að hlusta á orð annarra en þínar eigin hugsanir.
-Skrifaðu dagbók
Prófaðu að skrifa niður hugsanir þínar í dagbók ef þær æða áfram. Það gæti virkað til að draga úr áhrifum þeirra, og sumar gætu jafnvel verið meiriháttar góðar!
-Ef allt klikkar….
…þá má alltaf njóta lagsins Andvaka frá Júróvisionkeppninni 2012. Gjörið svo vel:
Unnið upp úr grein frá: Mail Online
