fbpx

Fjögur ráð til að draga úr stressi í fríinu

Fríið er nákvæmlega þetta: frí. Ekki til að djöflast í alls konar veseni og stressi. Hér koma fjögur góð ráð hvernig hægt er að hámarka afslöppun og eiga stress-frítt frí:

  1. Slakaðu á. Hljómar einfalt, en reyndu bara. Það er því mun meira mikilvægara að þú náir góðri slökun í fríinu eftir því sem stress þitt er meira dags daglega. Ef líf þitt er mjög annasamt og fullt af stressi er ekki endilega góð hugmynd að fara í frí sem krefst mikillar hreyfingar og orku. Taktu algjört FRÍ - líka frá praktískum hlutum heima við. Prófaðu að fara í frí án þess að gera nein plön eða dagskrá og sleppa algjörlega takinu á útkomunni.
  2. Miðaðu væntingar við þann sem þú ferð í frí með. Það er alltaf betra að allir meðlimir fjölskyldunnar séu upplýstir um hvers konar frí er í vændum og hvað eigi að gera í því. Þetta snýst um væntingastjórnun og að komast hjá mögulegu rifrildi og nöldri í fríinu sem getur skapað stress. Ef fara á í fjölskylduferðalag er gott að plana dagskrá fyrir börnin en það er einnig mikilvægt að það verði rými fyrir alla aðra fjölskyldumeðlimi svo þeir geti gert það sem þeir vilja.
  3. Slökktu á sjónvarpinu og tölvunni og settu símann á silent. Fjölskyldufrí er tími samveru til að skapa nánd með þeim sem manni þykir vænt um. Sítenging við internetið skapar fjarlægð. Tíminn líður hratt á þráðlausri öld - og skyndilega er fríið búið án þess að sítengt internetfólk nær að slaka á.
  4. Taktu þriggja vikna, óslitið, frí. Sumarfrí eru mikilvæg vegna þess að þetta eini tími ársins þar sem við höfum möguleika á að komast í burtu frá rútínu hversdagsins. Þess vegna er mikilvægt að fríið verði óslitið í þrjár vikur í stað þess að slíta það í sundur með því að vinna inn á milli. Það verður ekkert raunverulegt frí úr því. Það tekur tíma að venja sig á að slaka á og að hlaða batteríin.
Kannski ekki besti staðurinn í heimi til að iðka jóga og slappa af! Mynd: stocksnap.io

Kannski ekki besti staðurinn í heimi til að iðka jóga og slappa af! Mynd: stocksnap.io

 

 

Unnið upp úr grein úr tímaritinu iForm