Heilsugengið. Auðun Georg Ólafsson, Helga Möller og Skúli Guðmundsson.
Ljósmynd: Olga Björt Þórðardóttir.

Skammt fyrir utan borgina Gdansk í Póllandi er hótelið Long Vita. Þangað hafa fjölmargir Íslendingar leitað undanfarin ár sér til heilsubótar með góðum árangri. Megin hugmyndafræðin gengur út á að borða hollan mat, einkum grænmeti og ávexti, drekka mikið vatn, stunda holla hreyfingu og slökun í náttúrulegu umhverfi. Flestir sem gera þetta uppskera mikla andlega og líkamlega vellíðan eftir aðeins tveggja vikna dvöl.

Hótelið Long Vita er í fallegu umhverfi við stöðuvatn í nágrenni við pólsku borgina Gdansk.
Hótelið Long Vita er í fallegu umhverfi við stöðuvatn í nágrenni við pólsku borgina Gdansk.
Heilsuhótelið Long Vita er staðsett í þjóðgarði skammt fyrir utan Gdansk.
Stórt mötuneyti er á hótelinu.
Tilvalið er að skella sér í sundsprett í vatninu eftir heita gufu. Í þjóðgarðinum eru margar skemmtilegar göngu- og hjólaleiðir.

Þau Helga Möller, Auðun Georg Ólafsson og Skúli Guðmundsson bjóða nú í samstarfi við ferðaskrifstofuna Komdu með upp á heilsuferðir á Long Vita hótelið í Póllandi. Þau miðla af jákvæðri reynslu sinni ásamt því að hvetja og styðja þá sem vilja ná tökum á eigin lífi og heilsu.

Reynsla Helgu Möller

Helga Möller hefur farið árlega á heilsuhótelið frá 2010.
Ljósmynd: Olga Björt Þórðardóttir.

„Fyrst fór ég á heilsuhótelið árið 2010 og hef komið þangað árlega síðan, stundum tvisvar á ári,“ segir Helga Möller. „Ég var í krefjandi vinnu bæði í söngnum og sem flugfreyja og leitaði til Póllands mér til heilsubótar og til að núllstilla mig. Ekki var það verra að missa nokkur kíló. Ég hreinlega elska að vera á hótelinu Long Vita sem áður hét Elf og sæki að vera þarna því það eru einhverjir töfrar við þennan stað sem lætur manni líða stórkostlega í þessar tvær vikur sem eru ráðlagðar. Long Vita stendur við yndislegt vatn í þjóðgarði þar sem er skógur, fuglalíf og alls konar skemmtilegar gönguleiðir. Meira að segja er ein gönguleiðin nefnd í höfuðið á mér og heitir „Helgustígur“. Einnig er til „Skúlgata“ sem nefnd er eftir Skúla Guðmundssyni vini mínum og auðvitað „Jónínustígur“ sem var nefndur í höfuðið á elsku vinkonu minni Jónínu Benediktsdóttur,“ segir Helga.

„Það eru einhverjir töfrar við þennan stað sem lætur manni líða stórkostlega," segir Helga.

„Ég hef nánast alltaf verið á fæðinu „ávextir og grænmeti“ sem hótelið býður upp á. Það eru um það bil 600 kaloríur á dag sem stuðla að fullkominni hreinsun á sál og líkama. Fyrsta vikan getur verið strembin þar sem alls konar líkamlegir og andlegir kvillar koma upp sem eru fullkomlega eðlilegir. Önnur vikan er síðan nokkurs konar upprisa, ef svo má að orði komast, og að koma heim eftir þennan tíma er dásamlegt,“ útskýrir Helga.

„Að fara í heilsuferð til Long Vita í Póllandi er eitthvað sem allir ættu að upplifa og helst í hópi því hópeflið er máttugt og auðveldara að ná árangri í góðum hópi. Við í Heilsugenginu erum til halds og trausts og sjáum til þess að öll koma endurnærð heim með nýja lífssýn og vonandi áframhaldandi lífsstíl. Mikið hlakka ég til að sjá ykkur stíga skref í átt að bættum lífsstíl sem endurnærir og færir bjarta lífssýn.“

Reynsla Skúla

Skúli Guðmundsson missti 29.5 kíló í sinni fyrstu ferð á heilsuhótelið.
Ljósmynd: Olga Björt Þórðardóttir.

„Ég kom fyrst á Long Vita hótelið árið 2008. Þá hafði ég verið sjúklingur í tvö ár eftir uppskurð á baki,“ segir Skúli. „Kílóin höfðu komið jafnt og þétt og þegar ég fór í mína fyrstu ferð var ég orðinn 149.5 kíló og gríðarlega kvalinn. Fyrsta heilsuferðin mín stóð yfir í fjórar vikur og ég missti 29.5 kíló. Lífsgæði mín löguðust umtalsvert allt frá því að vera algjör sjúklingur eða öryrki yfir í að komast aftur á lappirnar og á vinnumarkaðinn. Á 15 árum hef ég tvisvar misst heilsuna vegna bakuppskurðar og vefjagigtar en fundið hana aftur á Long Vita hótelinu. Eftir stóran uppskurð á fótum í mars 2022 fór ég rakleitt aftur á heilsuhótelið til að safna kröftum og jafna mig fyrr,“ útskýrir Skúli sem hefur ekki lengur tölu á hversu oft hann hefur farið í frí á Long Vita hótelið til að bæta sína líðan eftir langar vinnutarnir.

Skúli hefur ekki lengur tölu á hversu oft hann hefur farið á heilsuhótelið til að bæta sína líðan. Þessar myndir voru teknar fyrir og eftir síðustu dvöl hans sumarið 2022.

„Það er enginn staður í veröldinni betri. Þegar ég kem of þungur, kvalinn og með bólgur í liðum og vöðvum þá fer ég beint í djús prógrammið. Það klikkar ekki að á einum mánuði missi ég undantekningalaust 23-29.5 kíló. Á þessum ferðum mínum í 15 ár hef ég samt tekið eftir að þótt maður nái alltaf árangri þá gengur alltaf betur með því að vera í hóp með öðrum. Það er einhver óútskýrður kraftur við það að vera með mörgum sem eru að stefna í sömu átt. Það peppar mann í að ná sem bestum árangri. Long Vita heilsuhótelið fær mín bestu meðmæli fyrir fagmennsku og frábært starfsfólk. Þjónustulundin er með því besta sem ég hef kynnst á heimsvísu.“

Reynsla Auðuns Georgs

Auðun Georg var hissa á hversu maturinn á hótelinu var mettandi og hann fékk mikla orku við að gera æfingar sem boðið var upp á. Ljósmynd: Olga Björt Þórðardóttir.

„Ég hélt að þetta væri bara fyrir konur,“ segir Auðun Georg og hlær. „Í minni fyrstu ferð sannfærðist ég um að þetta væri fyrir alla, sama í hvaða formi fólk er og hvar það er statt í eigin heilsu. Þetta gerir öllum gott. Sjálfur varð ég mjög hissa á hversu mettandi maturinn var. Ég varð aldrei svangur og ég fékk strax mikla orku við að gera flestar æfingar með stuðning frá þjálfurum hótelsins. Svefninn batnaði til muna, stressið minnkaði, einbeiting jókst, kílóum fækkaði og hjartalæknirinn tók mig af blóðþrýstingslyfjum eftir að heim var komið,“ segir Auðun.

Fjölbreyttur hópur var á hótelinu, að sögn Auðuns. „Ég tók eftir að fólk sem dvelur á hótelinu er allt frá afreksíþróttafólki yfir í þá sem glíma við ofþyngd og kvilla því tengdu. Öll eru að stefna að sama marki, að bæta líf sitt og heilsu. Það hjálpar líka að á hótelinu eru engir gestir að borða öðruvísi mat en aðrir, það er ekkert verið að bjóða upp á nautasteik, franskar og kók og það er langt í næstu sjoppu og hamborgarastað. Fyrsta ferðin mín af þessu tagi var árið 2014 og ég náði miklum árangri. Ég finn mikinn mun þegar ég fer í þessar ferðir með hópi eða dvel á eigin vegum. Það er allt annar kraftur og gleði sem fylgir því að fara í gegnum þetta með öðrum sem geta miðlað af eigin reynslu. Þannig myndast miklu meiri hvatning sem skilar betri árangri.“

Auðun í lok maí 2022 og í lok ágúst sama ár eftir 4 vikna dvöl á Long Vita hótelinu.

Hvað er í boði:

Á hótelinu er dagskrá frá morgni til kvölds en það er engin skylda að gera allt sem þar er í boði. Það er alltaf val hvers og eins. Allar æfingar eru á því erfiðleikastigi sem hentar hverjum og einum. Ef orka er lítil, sérstaklega fyrstu dagana þá er ekkert að því að hvíla sig og hreyfa sig rólega. Sumir mæta í alla æfingatíma sem eru í boði alla daga, aðrir mæta þegar þeir eru í stuði og sumir mæta aldrei í neitt. Það eru engin boð og bönn.  

Vert er að geta þess að frábærir þjálfarar eru á hótelinu, læknir, hjúkrunarfræðingur nuddarar og snyrtifræðingar. Allir opnir tímar með þjálfurum, aðgangur að spa þar sem er heitur pottur, lítil sundlaug, gufa og innfrarauð gufa eru innifaldir í verði sem við bjóðum hér ásamt sloppi í spa. Hótelið selur sjálft aðgang að sundleikfimi, nuddi og snyrtimeðferð.

Dæmi um dagskrá

Dagurinn getur byrjað hjá sumum á morgunsundi með þjálfara og léttri leikfimi í vatninu sem tilheyrir hótelinu og þjóðgarðinum.

Gott er að synda í vatninu á heitum sumardögum. Einnig lánar hótelið hjólabáta og kanóa til að skoða vatnið nánar.

Þar á eftir er boðið upp á stutta morgungöngu og teygjur sem þjálfari útskýrir mjög vel.

Eftir morgunverð er boðið upp á Pilates-styrktarþjálfun með æfingarboltum.

Um klukkan 11 er hægt að reima á sig gönguskóna og fara í um 45. mín langa kraftgöngu.

Eftir teygjur og hádegisverð er boðið upp á styrktaræfingar fyrir bak, rass og læri.

Þá er einnig sundleikfimi í boði fyrir kvöldmat og heitt gufubað um kvöldið með þjálfara sem blakar handklæðinu til að hámarka hita og svita. Gott er að demba sér út í vatnið eftir gufuna til að kæla sig niður fyrir svefninn.

Vel búinn lyftingarsalur er á hótelinu fyrir þá sem vilja rífa í lóðin. Einnig er hægt að fá lánað hjól í afgreiðslunni til að hjóla um í skóginum.

Maturinn

Megin uppistaða matarins sem er í boði eru mettandi grænmetis- og ávaxtaréttir ásamt hollum djúsum. Þetta eru ekki hungurleikar og það á engin að verða svangur. Hægt er að nálgast súpu í afgreiðslunni ef svengd gerir vart við sig. Kokkarnir leggja sig fram um að bera matinn fallega fram svo hann bragðist einnig vel. Flestir velja grænmetis- og ávaxtafæði ásamt djúsum en einnig er hægt að fá mat sem telur samtals 800, 1200 eða 2000 kaloríur.

Maturinn er fallega borinn fram.
Flestir velja grænmetis- og ávaxtafæði með hollum djúsum.

Næsta ferð og bókun:
Næsta ferð verður farin dagana 07.01.23 – 21.01.23. Tekið er við bókunum með því að senda nafn, kennitölu og herbergi sem óskað er í tölvupósti til: heilsuferðir@heilsan.is  Þú færð sendan tengil til að ganga frá greiðslu frá ferðaskrifstofunni Komdu með.

Verð

Verðin hér að neðan gilda fyrir ferð frá 07.01.20223 – 21.01.2023 og miðast við staðgreiðslu. Verð innifelur dvöl á hóteli, mat og þjálfun (fyrir utan sundleikfimi, nudd og snyrtimeðferðir). Flug er ekki innifalið, við mælum með Wizzair sem flýgur beint til Gdansk. Rúta sækir hópinn út á flugvöll og keyrir að hóteli og aftur til baka eftir dvöl gegn vægu gjaldi.

Herbergi

Standard einstaklings herbergi: Verð: 226.000 kr.

Standard einstaklings herbergi.
Standard einstaklings herbergi.

Standard herbergi fyrir tvo: Verð pr. einstakling: 216.000 kr.

Standard herbergi fyrir tvo.
Standard herbergi fyrir tvo.

Mini apartment fyrir einstakling: Verð: 267.000 kr.
Mini apartment fyrir tvo: Verð pr. einstakling: 250.000 kr.

VIP apartment fyrir einstakling:  Verð: 276.000 kr.
VIP apartment fyrir tvo: Verð pr. einstakling: 254.000 kr.

Apartment Delux fyrir einstakling: Verð: 276.000 kr.
Apartment Delux fyrir tvo: Verð pr. einstakling: 254.000 kr.

Apartment Maisonette fyrir einstakling:  Verð: 340.000 kr.
Apartment Maisonette fyrir tvo: Verð pr. einstakling: 318.000 kr.

Apartment Premium fyrir einstakling: Verð: 367.000 kr.
Apartment Premium fyrir tvo: Verð pr. einstakling: 344.000

Spa:

Bókaðu núna:

Bókaðu pláss með því að senda nafn, kennitölu og herbergi sem óskað er í tölvupósti til: heilsuferdir@heilsan.is  

Þú færð sendan tengil fyrir greiðslu frá ferðaskrifstofunni Komdu með.