Meiri hreyfing, próteinríkt mataræði og persónulegri þjálfun fyrir þá sem vilja koma sér vel af stað.
Orka og rútína (Fitness & Wellbeing) byggir á sama grunni og Classic, en leggur meiri áherslu á hreyfingu, styrk og próteinríkt mataræði. Tveir einkatímar með þjálfara og tveir sundleikfimitímar bætast við daglega hóptíma og Nordic Walking.
Á Long Vita er ekki verið að eltast við að keyra fólk út. Hreyfingin er regluleg og fjölbreytt og hver og einn tekur þátt eftir eigin getu. Hugmyndin er að styrkja líkamann og gera hreyfingu að eðlilegri hluta dagsins — líka eftir að heim er komið.
Dvalarleiðin Orka og rútína inniheldur allt það helsta sem gestir þekkja úr Classic, en bætir við nokkrum atriðum fyrir þá sem vilja hafa hreyfinguna meira í forgrunni.
Dagskráin er skipulögð frá morgni til kvölds og þú getur valið úr hóptímum, göngum og öðrum hreyfitímum eftir eigin getu. Einkatímarnir með þjálfara eru síðan góð leið til að fá persónulegri leiðsögn meðan á dvölinni stendur.
Dagurinn byrjar með morgunmat og möguleika á að fara beint í hreyfingu ef það hentar.
Dagleg ganga í umhverfi Long Vita gefur bæði hreyfingu og ferskt loft inn í daginn.
Orka og rútína bætir við einkatímum með þjálfara og sundleikfimi samkvæmt dagskrá dvalarinnar.
Eftir hreyfingu er hægt að nýta sundlaug, heita potta, gufuböð og saunur eða einfaldlega taka því rólega.
Á Long Vita starfar fjölbreyttur hópur þjálfara með reynslu af styrktarþjálfun, fitness, sundleikfimi, liðleika og einstaklingsmiðaðri hreyfingu.
Klínískur næringarfræðingur, menntaður við Læknaháskólann í Gdansk, og einkaþjálfari. Hann sameinar næringarfræði og hreyfingu og hefur sérstaka reynslu af að vinna með fólki sem situr mikið í daglegu lífi og glímir við bakverki. Wojtek er einnig kraftlyftingaþjálfari og leggur áherslu á styrktarþjálfun sem grunn að góðu líkamlegu formi.
Íþróttafræðingur og þjálfari, menntuð við Íþróttaháskólann í Katowice með áherslu á leiðréttandi leikfimi, ferðaþjónustu og útivist. Hún hefur starfað á líkamsræktarstöðvum víða um Pólland og hefur meðal annars réttindi í Pilates, TRX, Zumba, Les Mills Body Pump, Healthy Spine, virkniþjálfun og sundleikfimi.
Reyndur þjálfari í líkamsrækt og sundleikfimi sem hefur starfað við hreyfingu og þjálfun frá árinu 1989. Hún lauk háskólanámi í lífeðlisfræði manna og dýra og hefur einnig lokið grunnnámi í ballett. Svetlana hefur meðal annars réttindi í Zumba Fitness, Zumba Gold, TBC, Pilates, step og sundleikfimi og kennir einnig þjóðdansa og samkvæmisdansa.
Íþróttafræðingur með sérhæfingu í andlegri þjálfun og vellíðunarþjálfun og stundar jafnframt nám í sjúkraþjálfun. Hún leggur áherslu á heildræna nálgun þar sem hreyfing, andlegur undirbúningur og þættir úr sjúkraþjálfun vinna saman. Áherslan er á örugga og einstaklingsmiðaða hreyfingu sem skilar bæði árangri og ánægju.
Dvölin er í boði í 10 og 14 nætur. Flestir velja 14 nætur, enda gefur lengri dvöl meiri tíma til að koma reglulegri hreyfingu og hollari venjum inn í daglegt líf áður en haldið er heim.
Fyrir þá sem vilja Orku og rútínu en hafa minni tíma til ráðstöfunar.
Meiri tími til að byggja upp hreyfingu og matarvenjur sem er auðveldara að halda áfram með eftir heimkomu.
Báðar dvalarleiðirnar byggja á hollu fæði, daglegri hreyfingu, göngum og heilsulind. Munurinn liggur fyrst og fremst í því hvað þú vilt leggja mesta áherslu á.
Gott val ef þú vilt nýta dvölina sérstaklega til að koma þér betur af stað með hreyfingu.
Classic hentar flestum og er einfaldara val ef þú vilt góða blöndu af hreyfingu, útiveru, hollu fæði og hvíld.
Tveir sundleikfimitímar eru innifaldir í Orku og rútínu. Vatnið veitir mótstöðu án þess að sama álag leggist á liði og við margar æfingar á þurru landi. Eftir tímana er svo hægt að nýta heilsulindina, sundlaugina, heitu pottana, gufuböðin og saunurnar.
Skoða gistingu á Long Vita