Hollt fæði, dagleg hreyfing, útivera og heilsulind – fyrir þá sem vilja setja heilsuna í forgang.
Vinsælasta dagskráin á Long Vita og hentar flestum.
Classic er kjarnadagskrá Long Vita fyrir þá sem vilja hvílast, hreyfa sig reglulega og koma sér aftur í góða rútínu. Dvölin sameinar fullt fæði, daglega hreyfingu, göngur í náttúrunni og aðgang að heilsulindinni.
Long Vita er heilsuhótel í Kashubia-héraði nálægt Gdansk í Póllandi. Classic hentar vel í fyrstu heilsuferðina, en einnig þeim sem hafa komið áður og vilja einfaldlega gefa sér tíma þar sem hollur matur, hreyfing og hvíld eru hluti af hverjum degi.
Classic er heildstæð vellíðunardvöl. Þú þarft ekki að setja saman einstaka þjónustu — grunnurinn að deginum er þegar til staðar og þú velur sjálf/ur hversu mikið þú tekur þátt.
Dagskráin á Long Vita er skipulögð frá morgni til kvölds en enginn þarf að taka þátt í öllu. Þú getur stokkið inn í tímana eftir eigin getu og dagsformi. Næringarríkur matur, hreyfing, útivera og hvíld halda utan um daginn og gera það auðveldara að komast í góða rútínu.
Dagurinn byrjar með morgunmat og hóptímum fyrir þá sem vilja taka þátt strax frá morgni.
Dagleg ganga er fastur hluti af Classic og leið til að fá hreyfingu og ferskt loft inn í daginn.
Eftir hádegisverð eru fleiri hóptímar á dagskrá og svigrúm til að velja heilsulind, eigin æfingu eða einfaldlega hvíld.
Dagleg Aufguss-gusa er í boði fyrir þá sem vilja enda daginn í heilsulindinni áður en kvöldið róast.
Classic er í boði í 10 og 14 nætur. Flestir velja 14 nætur, enda er lengri dvöl talin æskileg svo meiri tími gefist til að byggja upp jákvæðar heilsuvenjur sem eiga auðveldara með að fylgja með heim.
Fyrir þá sem vilja upplifa Classic en hafa minni tíma til ráðstöfunar.
Meiri tími til að koma sér í góða rútínu og æfa jákvæðar, hollar venjur sem er auðveldara að halda áfram með eftir heimkomu.
Allar dagskrár Long Vita eiga margt sameiginlegt: hreyfingu, göngur og aðgang að heilsulind. Munurinn er fyrst og fremst meiri áhersla á ákveðið markmið og viðbótarþjónusta.
Veldu Classic ef markmiðið er almenn vellíðan, hreyfing, hvíld og betri rútína án þess að þurfa sérstaka áherslu.
Veldu sérhæfðari dagskrá ef þú vilt að dvölin snúist meira um ákveðið markmið.
Classic-dagskráin er sú sama óháð gistingu. Þú getur valið hagkvæmt einstaklingsherbergi, vinsælt Mini Apartment, skógarhús eða rúmbetri Premium-gistingu eftir því hversu mikið rými og næði þú vilt.
Skoða alla gistimöguleika →