Þarf að henta öllum
Það er erfitt að velja ferð sem hentar bæði þeim sem vilja vera virkir og þeim sem vilja hægari daga. Auk þess þarf einhver að finna gistingu, mat, dagskrá og afþreyingu sem gengur upp fyrir hópinn.
Vina- og vinnustaðahópar · Long Vita í Póllandi
Hópferð sem eflir heilsu og líðan
Long Vita er heilsuhótel í Póllandi þar sem gisting, fullt fæði, dagleg hreyfing, göngur og heilsulind eru hluti af dvölinni. Hópurinn fer saman og fylgir sömu dagskrá hótelsins — en hver og einn ræður hversu mikið hann nýtir sér af dagskrá dagsins.
Þú þarft ekki að fylla daginn með dagskrá fyrir hópinn.
Stór hluti ferðarinnar er þegar skipulagður — en þátttakan er frjáls.
Þegar margir ferðast saman
Ólíkar þarfir hvers og eins
Einn vill hreyfa sig. Annar vill heilsulind og nudd. Sá þriðji vill bara góðan mat og ró. Fólk er á ólíkum aldri, í misgóðu formi og með mismunandi hugmyndir um góða ferð.
Þú þarft ekki að vera fararstjóri
Þegar vinir ferðast saman þarf ekki öllum að langa í sömu hluti á sama tíma. Á Long Vita getur hópurinn átt samveruna sameiginlega en hver og einn mótað daginn að sínum þörfum — án þess að skipuleggjandinn þurfi að halda utan um hvert skref.
Fyrir hverja?
Tvær tegundir hópa
Vellíðan, hópefli og samvera
Vinnustaðir og starfsmannafélög
Fyrir vinnufélaga sem vilja fara saman og leggja áherslu á vellíðan, hópefli, hreyfingu, góða samveru og sameiginlega upplifun utan daglegs vinnuumhverfis.
Farið saman
Vinahópar
Saumaklúbbar eða fjölskylduhópar sem vilja fá meira út úr ferðinni en hefðbundið borgarfrí — með góðri samveru, hreyfingu, heilsulind og tíma til að slaka á.
Hvað er Long Vita?
Heilsuhótel í Póllandi þar sem vellíðunin er hluti af deginum
Long Vita er heilsuhótel nálægt Gdansk í Póllandi. Í stað þess að hópurinn þurfi að finna gistingu, veitingastaði og dagskrá sitt í hvoru lagi er megnið af upplifuninni á einum stað.
Íslenskir gestir hafa dvalið á Long Vita um árabil. Umhverfið er rólegt og umkringt vinalegum skógi þar sem eru ótal göngu- og hjólaleiðir og hægt er að fá góð fjallahjól lánuð á hótelinu. Hótelið stendur við vatn sem hægt er að synda í eða fá lánaðan kajak eða hjólabát til að njóta náttúrunnar. Dagurinn líður þar sem hollum mat, hreyfingu, útiveru og tíma fyrir sig í nuddi, sundleikfimi eða heilsulind er blandað saman.
✓
Gisting og fullt fæði
Hópurinn hittist yfir máltíðum og í dagskrá sem stendur til boða frá morgni til kvölds. Mæting í einstaka liði er frjáls.
✓
Dagleg hreyfing og Nordic Walking
Fjölbreyttir æfingatímar með þjálfurum, göngur, Pilates, bakæfingar, jóga, sundleikfimi, Zumba og fleira eru í boði á hótelinu fyrir þá sem vilja taka þátt.
✓
Heilsulind og Aufguss-gusur
Hefðbundin gufa, infrared-gufa, sundlaug og heitur pottur eru í heilsulindinni. Útisauna er við vatnið þar sem gusumeistari sér um Aufguss-gusur á hverju kvöldi.
✓
Rými til að gera minna
Nudd, snyrtimeðferðir, bók, göngutúr eða einfaldlega hvíld geta alveg verið í dagskrá hvers og eins.
Classic. Vellíðunardvöl
Einföld dagskrá í hópferð
Classic vellíðunardagskráin á Long Vita hentar flestum.
Þeir sem vilja geta fyllt daginn af hreyfingu og göngum. Aðrir geta valið rólegri takt, heilsulind, nudd, snyrtimeðferð eða hvíld. Hópurinn fylgir þó sömu dagskrá með sveigjanleika fyrir hvern og einn og hittist reglulega yfir daginn.
✓
Fullt og hollt fæði
Máltíðir eru hluti af dvölinni og gefa hópnum náttúrulegan samverutíma yfir daginn.
✓
Daglegir hóptímar með þjálfurum
Fjölbreytt hreyfing er í boði — Pilates, bakæfingar, jóga, sundleikfimi, Zumba og fleira — og hver og einn velur eftir eigin getu og dagsformi.
✓
Dagleg Nordic Walking
Göngur í náttúrunni í kringum Long Vita eru hluti af daglegri dagskrá.
✓
Heilsulind
Sundlaug, heitir pottar, saltherbergi, gufuböð og saunur.
✓
Daglegar Aufguss-gusur
Gufumeistari stýrir gusum í útisaununni við vatnið.
Staðlað fyrir hópa
14 nætur · frá um 226.000 kr. á mann
6.860 PLN · miðað við einn gest í einstaklingsherbergi. Dvöl í 10 nætur er einnig möguleg.
Þjálfararnir á Long Vita
Reynslumiklir og hvetjandi þjálfarar
Dagleg hreyfing er stór hluti af upplifuninni á Long Vita. Þjálfararnir vinna með fjölbreytta hópa og gestir velja þátttöku eftir eigin getu og dagsformi.
Næringarfræðingur & einkaþjálfari
Wojtek Sankiewicz
Klínískur næringarfræðingur, menntaður við læknaháskólann í Gdansk, og einkaþjálfari. Sameinar næringu og hreyfingu og hefur meðal annars unnið með fólki sem lifir kyrrsetulífi eða glímir við bakverki.
Fitness & sundleikfimi
Katarzyna Senyk
Íþróttafræðingur og þjálfari með víðtæka reynslu af fitness. Meðal réttinda hennar eru Pilates, TRX, Zumba, Les Mills Body Pump, virkniþjálfun og sundleikfimi.
Fitness & sundleikfimi
Svetlana Zharikova
Fitness- og sundleikfimikennari með áratuga reynslu. Hún hefur meðal annars kennt Zumba, Pilates, step og sundleikfimi og er einnig danskennari.
Hreyfing, markþjálfun & endurheimt
Wiktoria Grota
Menntuð í íþróttafræðum með áherslu á markþjálfun og líkamlega endurheimt og er jafnframt í sjúkraþjálfunarnámi. Hún leggur áherslu á örugga og einstaklingsmiðaða hreyfingu.
Hreyfingin er valfrjáls.
Þeir sem vilja geta tekið þátt í mörgum tímum á dag, en aðrir velja léttari dagskrá,
göngur, heilsulind eða hvíld.
Gisting á Long Vita
Hver gestur getur valið þá gistingu sem hentar
Hópurinn þarf ekki allur að vera í sömu gistingu. Hér eru helstu gistimöguleikarnir á einum stað. Verðin sýna dvöl fyrir einn í 14 nætur í Classic vellíðunardagskrá.
Einstaklingsherbergi
Þægilegt og hagkvæmt val fyrir þá sem vilja hafa sitt eigið rými.
um 226.000 kr.6.860 PLN · Classic · 14 nætur · einn gestur
Forest House
Skógarhús fyrir þá sem vilja meira næði, kyrrð og vera nær náttúrunni.
um 231.000 kr.7.000 PLN · Classic · 14 nætur · einn gestur
Mini Apartment
Rúmbetri gisting í hótelbyggingunni fyrir þá sem vilja meiri þægindi.
um 273.000 kr.8.260 PLN · Classic · 14 nætur · einn gestur
Premium Forest House
Nýuppgert skógarhús fyrir þá sem vilja meira rými, kyrrð og næði en samt vera alveg við hótelið.
um 273.000 kr.8.260 PLN · Classic · 14 nætur · einn gestur
VIP Apartment
Rúmgóð og vönduð gisting fyrir þá sem vilja meiri þægindi.
um 296.000 kr.8.960 PLN · Classic · 14 nætur · einn gestur
DeLux Apartment
Vönduð og rúmgóð gisting með meiri þægindum.
um 296.000 kr.8.960 PLN · Classic · 14 nætur · einn gestur
Maisonette Apartment
Rúmgóð tveggja hæða gisting fyrir þá sem vilja meira rými.
um 319.000 kr.9.660 PLN · Classic · 14 nætur · einn gestur
Premium Apartment
Stærsti og glæsilegasti gistimöguleikinn fyrir þá sem vilja mest rými og mestu þægindin.
um 365.000 kr.11.060 PLN · Classic · 14 nætur · einn gestur
Forest House og Premium Forest House eru í boði frá apríl til nóvember.
Endanlegt verð fer eftir lengd dvalar og gistingu og er staðfest þegar framboð hópsins er kannað.
Reynslan af Long Vita
„Ég fór heim sem nýr maður“
“
„Ég fór í þessa ferð til Póllands því ég var hreinlega búinn á því á líkama og sál. Vinnan mín er líkamlega erfið og ég fann að ég þurfti að gera eitthvað róttækt til að ná vopnum mínum aftur. Ég missti nokkur kíló, en það sem skipti mestu máli var orkan sem ég fékk aftur. Þetta er ekki bara frí – þetta er raunveruleg fjárfesting í eigin heilsu og vellíðan.“
Magnús Steindórsson
Þú þarft ekki að vera búin/n að skipuleggja ferðina
Segðu okkur bara hversu mörg þið eruð og hvenær þið gætuð farið
Það er nóg til að byrja. Heilsan.is kannar framboð á Long Vita og hjálpar þér að sjá hvort hugmyndin gengur upp áður en hópurinn tekur ákvörðun. Aðstoðin kostar ekkert aukalega.
Spurt og svarað
Algengar spurningar um hópferðir á Long Vita
Þurfum við að vita nákvæman fjölda áður en haft er samband?
Nei. Það er alveg nóg að byrja á áætluðum fjölda og mögulegu tímabili.
Nákvæmari upplýsingar má staðfesta þegar framboð og fyrirkomulag liggur betur fyrir.
Þurfa allir í hópnum að vera í góðu formi?
Nei. Hreyfingin er valfrjáls að stórum hluta og hver og einn tekur þátt eftir eigin getu og dagsformi.
Hópurinn getur því verið mjög blandaður.
Þurfum við öll að taka þátt í sömu tímum?
Nei. Hópurinn fylgir sömu Classic dagskrá en mæting í einstaka liði er frjáls.
Gestir geta valið æfingatíma, farið í göngur, nýtt heilsulindina eða tekið rólegri tíma eftir eigin óskum.
Er flug innifalið?
Nei. Flug er ekki innifalið og gestir bóka flug sjálfir þegar dvölin hefur verið staðfest.
Wizz Air flýgur reglulega beint milli Keflavíkur og Gdansk. Icelandair flýgur einnig beint
milli Keflavíkur og Gdansk samkvæmt vetraráætlun frá 18. september 2026.
Flugáætlanir geta breyst, þannig að alltaf er rétt að kanna dagsetningar hjá flugfélögunum áður en bókað er.
Heilsan.is tekur ekki við greiðslum fyrir flug eða dvöl.
Hvernig er greitt fyrir dvölina?
Greiðslur fyrir dvöl fara beint til Long Vita.
Fyrirkomulag greiðslna fyrir hópinn er staðfest þegar dagsetningar, fjöldi og gisting liggja fyrir.
Getur heilsan.is hjálpað okkur með framboð og gistingu?
Já. Heilsan.is aðstoðar við að skoða framboð á Long Vita og hvaða gistimöguleikar
geta hentað hópnum. Sú aðstoð kostar ekkert aukalega.